Gagn og gaman
Sumar við Hálslón
Veðurfar við Kárahnjúka getur verið ólíkt því sem gengur og gerist í byggðum og bæjum landsins. Fróðlegt er að sjá myndir frá Hálslóni og fylgjast með hvenær snjó tekur upp og á meðfylgjandi myndskeiði má einnig sjá hvernig Hálslón fyllist smám saman og landslagið breytist.
Hálslón þekur um 57 ferkílómetra þegar það er fullt og stendur í 625 metra yfir sjávarmáli þegar það er fullt. Lágmarkshæð lónsins við rekstur er 575 metrar yfir sjávarmáli, þannig að sjá má að sveiflur á milli árstíða geta verið töluverðar
Losun gróðurhúsalofttegunda með því minnsta sem þekkist
Ólíkt því sem gerist í flestum öðrum löndum þá er losun GHL frá raforkuvinnslu á Íslandi tiltölulega lítil, enda er langstærstur hluti vinnslunnar frá endurnýjanlegum orkugjöfum þ.e. vatnsafli og jarðvarma. Árleg losun gróðurhúsalofttegunda (GHL) á hverja unna GWst í Fljótsdalsstöð er um 0,25 g CO2-ígildi/kWst þegar ekki er tekið tillit til kolefnisbindingar með landgræðslu.
Hreindýr og Kárahnjúkavirkjun
Kárahnjúkavirkjun mun hafa áhrif á nokkur búsvæði hreindýra en óljóst er hvort þetta mun hafa einhver áhrif á stærð stofnsins eða eingöngu breyta atferli dýranna. Hreindýr voru fyrst flutt til landsins á ofanverðri átjándu öld til búnytja. Þau eru Austfirðingum mikilvæg, bæði vegna tekna af árlegum veiðum, en ekki síður sem tíguleg dýr sem setja svip sinn á umhverfið.
Lesa meiraFlúor og heilbrigði gróðurs
Flúor getur haft neikvæð áhrif á vöxt og heilbrigði gróðurs. Tryggja þarf að flúor fari ekki yfir þolmörk gróðurs á staðnum sem gæti leitt til breytinga á lífríki þannig að viðkvæmar tegundir myndu ekki þrífast þar sem flúormengunar gætir. Krækiberjalyng er meðal þess gróðurs sem vaktaður er með tilliti til flúormengunar í tengslum við framleiðslu á áli.
Hvernig er atvinnuleysið á Austurlandi?
Atvinnuleysi hefur yfirleitt verið minna á Austurlandi en á Íslandi í heild frá því á árinu 2004. Fyrir þann tíma var atvinnuleysi alltaf meira á Austurlandi en á landsvísu. Á árinu 2010 var atvinnuleysi rúmlega helmingi minna á Austurlandi en á Íslandi, eða um 4,4% atvinnuleysi að ársmeðaltali á móts við 8,9% atvinnuleysi á Íslandi að meðaltali.
Hvaða áhrif hefur Kárahnjúkavirkjun haft á Heiðagæs?
Fylgst er með Heiðagæs á áhrifasvæði Kárahnjúkavirkjunar í Sjálfbærniverkefninu á Austurlandi í Vísi 2.21. Heiðagæs hefur fjölgað ört á landinu undanfarinn áratug og sú þróun hefur ekki síst sett mark sitt á Fljótsdalshérað og heiðarlöndin þar inn af. Hafi Hálslón haft áhrif á heiðagæs á þessu svæði er hætt við að slíkt sé vandlega falið í hinni almennu aukningu í varpi gæsarinnar. Lesa meira...
Lesa meiraKeops píramídinn og Hálslón
Aurinn sem safnast árlega í hálslón samsvarar 4-5 x 106 m3 af efni. Þetta samsvarar byggingu sem væri 100 metra breið, 100 metra há og 400-500 metra löng. Til að fá hugmynd um stærð er ekki slæmt að bera magnið saman við píramída.
Lesa meiraEinstakt á heimsvísu
Sjálfbærniverkefni Alcoa Fjarðaáls og Landsvirkjunar er frumkvöðlastarf því slík aðferð við mat á sjálfbærni hefur ekki áður verð framkvæmd á heimsvísu.
Lesa meira