Vinnumarkaðurinn

Atvinnuvegir og tækifæri

Helstu atvinnuvegir

Atvinnutækifæri á Austurlandi hafa verið takmörkuð á síðustu áratugum og hlutfall láglaunastarfa hátt í samanburði við höfuðborgarsvæðið. Þau störf sem hafa verið í boði felast m.a. í vinnu við fiskvinnslu, í ferðaþjónustu, í sláturhúsum og við byggingarvinnu, en mörg þeirra eru árstíðabundin. Sum þessara starfa þykja ef til vill ekki eftirsóknarverð í huga ungs fólks, sérstaklega ungra kvenna, sem hafa margar flutt til höfuðborgarsvæðisins þar sem er að finna fjölbreytilegri náms- og starfsmöguleika.

Landnotkun og náttúruauðlindir

Fiskimið við strendur Austurlands leggja grunn að öflugum sjávarútvegi á svæðinu. Sérstaklega er mikið um loðnu og síld en kolmunni veiðist lengra frá ströndinni. Þá er einnig töluvert um veiðar á þorski og öðrum uppsjávarfiski. Sumir firðir á Austurfjörðum henta vel til fiskeldis og eru áætlanir um laxeldi á döfinni á nokkrum stöðum.
 
Á Austurlandi er stundaður sauðfjárbúskapur, þar eru mjólkur- og kúabú og lífrænn ræktun á grænmeti. Þá er skógrækt blómleg í Fljótsdalshéraði. Hálendið laðar til sín ferðamenn og margir halda þangað til að stunda útivist og/eða veiða hreindýr, gæsir og rjúpu. Á láglendi eru lax- og silungsveiðar vinsælar.