Vísir 3.5 - Fjárhagsstaða sveitarfélaga

Árangur

a. Breytingar á útsvarstekjum í völdum sveitarfélögum á Austurlandi.

Útsvarstekjur er sá hluti tekjuskattsins sem rennur til sveitarfélaganna. Hér má sjá yfirlit yfir upphæðir sem útsvarið hefur verið í völdum sveitarfélögum á Austurlandi síðan 2002.

Myndin hér til hliðar sýnir yfirlit yfir álagt nettó útsvar í Fjarðabyggð og Fljótsdalshéraði frá árinu 2002-2010. Smellið á myndina til að sjá hana í fullri stærð.

Myndin hér til hliðar sýnir yfirlit yfir útsvarstekjur á Seyðisfirði, Djúpavogshreppi, Breiðdalshreppi og Fljótsdalshreppi. Smellið á myndina til þess að sjá hana í fullri stærð.

Uppfært í desember 2011.
Heimild: Árbók sveitarfélaganna > Skatttekjur. Sjá einnig: Árbók sveitarfélaga

b. Hlutfall tekna og gjalda sveitarfélaga (að meðtöldum fjármagnsliðum).

Þessir vísir sýnir hversu mikið hærri eða lægri gjöld sveitarfélaganna eru miðað við tekjur. Myndin hér til hliðar sýnir þróun í öllum sveitarfélögum á Mið-Austurlandi frá árinu 2002 til ársins 2010. Gildi yfir 100% sýnir að gjöld eru meiri en tekjur. Gildi undir 100% sýnir að gjöld eru lægri en tekjur.

Uppfært í desember 2011.
Heimild: samband.is>Fjármál sveitarfélaga>Ársreikningar>Rekstrarreikningar. Sjá einnig: Ársreikningar.

Vöktunaráætlun og markmið

Hvað er mælt?

a. Breytingar á útsvarstekjum í völdum sveitarfélögum (áhrif framkvæmda: óbein).

b. Hlutfall tekna og gjalda sveitarfélaga (að meðtöldum fjármagnsliðum) – (áhrif framkvæmd: afleidd).


Áætlun um vöktun

a. Sveitarfélög á Austurlandi munu útvega þessar upplýsingar árlega.

b. Sveitarfélög á Austurlandi munu útvega þessar upplýsingar árlega.


Markmið

a. Á ekki við.

b. Tekjur og kostnaður í jafnvægi.

Forsendur fyrir vali á vísi

Tilkoma Fjarðaáls og Fljótsdalsstöðvar skilar sveitarfélögum auknum tekjum bæði vegna beinna skatttekna af fyrirtækjunum og vegna skatttekna af þeim störfum sem skapast óbeint vegna þeirra. Á móti kemur að kostnaður sveitarfélaga mun einnig aukast þar sem fjölgun íbúa krefst meiri þjónustu. Eftirfarandi eru dæmi um þá þjónustu sem sveitarfélög sinna:

• Félagsleg þjónusta
• Tækniþjónusta
• Menntun, menning, íþróttir og afþreying
• Gatnagerð, umhverfis- og skipulagsmál
• Rekstur hafna (ef við á)

• Vatnsveitur og hitaveitur

Ítarefni

Ítarefni