Vísir 1.11 - Lýðfræðibreytingar á Austurlandi
Tilkoma Kárahnjúkavirkjunar og álvers Fjarðaáls gæti leitt til breytinga á fjölda og samsetningu íbúa á Austurlandi og í einstökum sveitarfélögum bæði á byggingartíma og rekstartíma virkjunar og álvers. Þessar breytingar hafa bæði bein og óbein áhrif. Fólk flytur á svæðið til að vinna hjá Landsvirkjun, Fjarðaáli eða verktökum á þeirra vegum og ný störf verða til hjá fyrirtækjum í þjónustu og verslun í tengslum við þann efnahagsuppgang sem framkvæmdirnar skapa á svæðinu.
Árangur
a. Kynja- og aldurssamsetning á Austurlandi borin saman við landið í heild
(áhrif framkvæmda: afleidd).
Myndin sýnir kynja- og aldurssamsetningu á Austurlandi, í samanburði við landið í heild 1. desember árið 2011.
Hægt er að stækka myndina með því að smella hér.
Þróun
Gögn um eldri niðurstöður eru í endurskoðun. Ný gögn sem lýsa þróun eru væntanleg í júní 2012.
Heimild: Hagstofa Íslands, 2011. (Mannfjöldi>Sveitarfélög>Sveitarfélagaskipan hvers árs
Uppfært 16.02.2012
b. Íbúafjöldi á Mið-Austurlandi (áhrif framkvæmda: afleidd)
Íbúum Mið-Austurlands hefur fjölgað um 1055 frá því að framkvæmdir hófust við byggingu Kárahnjúkavirkjunar og álvers Alcoa við Reyðarfjörð. Á árunum fyrir framkvæmdir hafði verið fólksfækkun á sama svæði, eða um 521 á árunum 1997-2002. Á línuritinu hér fyrir neðan má sjá mannfjöldaþróun* frá 1997-2011.
Heimild: Hagstofa Íslands, 2011
Hagstofa.is>mannfjöldi>Mannfjöldi eftir kyni, aldri og sveitarfélögum 1998-2011-Sveitarfélagaskipan hvers árs
*Allar tölur um íbúaþróun eru frá 1. desember ár hvert.
Mið - Austurland eru sveitarfélögin; Borgarfjarðarhreppur, Seyðisfjarðarkaupstaður, Fljótsdalshérað, Fljótsdalshreppur, Fjarðabyggð og Breiðdalshreppur.
Uppfært 16.05.2012
Vöktunaráætlun og markmið
Hvað er mælt?
a. Kynja- og aldurssamsetning á Austurlandi borin saman við landið í heild (áhrif framkvæmda: afleidd).
b. Íbúafjöldi á Austurlandi (áhrif framkvæmda: afleidd).
Vöktunaráætlun
a. Upplýsingar frá Hagstofunni verða greindar á þann hátt að skoðað verður bæði aldurs- og kynjasamsetning íbúa á Austurlandi. Upplýsinga verður leitað hjá Byggðastofnun eða starfsmanni falið að vinna þessar upplýsingar upp úr gögnum frá Hagstofunni. Þessum upplýsingum verður safnað á fimm ára fresti.
b. Upplýsingar tiltækar hjá Hagstofu Íslands. Þessum upplýsingum verður safnað árlega.
Markmið
a. Jafnvægi í kynja- og aldurssamsetningu á Austurlandi borið saman við aldursdreifingu á landsvísu með aðhvarfsstuðulinn (r²) = 1.0
b. Aukinn íbúafjöldi á Austurlandi.
Forsendur fyrir vali á vísi
Jafnvægi í kynja- og aldurssamsetningu íbúa er vísbending um stöðugleika samfélaga. Hagvöxtur og fjölbreyttari atvinnutækifæri á höfuðborgarsvæðinu hafa haft áhrif á kynja- og aldurssamsetningu margra sveitarfélaga á landsbyggðinni, þ.m.t. á Austurlandi. Í skýrslu um samfélagsleg áhrif álvers í Reyðarfirði eru þessi áhrif tengd takmörkuðum atvinnutækifærum og háu hlutfalli láglaunastarfa á Austurlandi.
Tilkoma Kárahnjúkavirkjunar og álvers Fjarðaáls gæti leitt til breytinga á fjölda og samsetningu íbúa á Austurlandi og í einstökum sveitarfélögum bæði á byggingartíma og rekstartíma virkjunar og álvers. Þessar breytingar hafa bæði bein og óbein áhrif. Fólk flytur á svæðið til að vinna hjá Landsvirkjun, Fjarðaáli eða verktökum á þeirra vegum og ný störf verða til hjá fyrirtækjum í þjónustu og verslun í tengslum við þann efnahagsuppgang sem framkvæmdirnar skapa á svæðinu.
