Vísir 1.14 - Tekjur íbúa

Árangur

a) Meðaltekjur á Austurlandi samanbornar við meðaltekjur á Íslandi

Frá árinu 2005 hefur Hagstofa Íslands ekki unnið landshlutagreiningu á fyrir launatekjur landsmanna, þ.e. ekki liggja fyrir meðaltekjur íbúa á Austurlandi eða Vesturlandi svo dæmi sé tekið. Skipting á milli svæða nær eingöngu til tekna á höfuðborgarsvæðinu og utan höfuðborgarsvæðisins.

b. Meðaltekjur starfsfólks Fjarðaáls og Landsvirkjunar í samanburði við aðrar atvinnugreinar á Austurlandi og Íslandi.

Ekki liggja fyrir upplýsingar um meðaltekjur í einstaka atvinnugreinum á Austurlandi að svo stöddu og því er hér aðeins um heildar samanburð að ræða. Á myndinni hér að neðan má sjá þróun í launatekjum á undanförnum árum.

Uppfært 30.03.12

Heimild: Hagstofa Íslands, Alcoa Fjarðaál, Landsvirkjun 2010 og 2011.

Vöktunaráætlun og markmið

Hvað er mælt?

1. Meðaltekjur á Austurlandi bornar saman við meðaltekjur á landsvísu (áhrif framkvæmd: afleidd).
2. Meðaltekjur starfsfólks Fjarðaáls og Landsvirkjunar í samanburði við aðrar atvinnugreinar á Austurlandi og Íslandi (áhrif framkvæmda: bein).

Áætlun um vöktun

1. Hagstofa Íslands birtir reglulega upplýsingar um meðaltekjur á landsvísu, skipt niður eftir landssvæðum.
2. Starfsmannasvið Landsvirkjunar og fjármálateymi Fjarðaáls safna þessum upplýsingum.

Markmið

1. Jafnt eða hærra en meðaltal á landsvísu.
2. Jafnt eða hærra en meðaltekjur í öðrum atvinnugreinum á Austurlandi.

Forsenda fyrir vali

Meðaltekjur eru gagnlegur vísir til að bera saman fjárhagslega velferð á mismunandi svæðum. Fljótsdalsstöð og Fjarðaál eru líkleg til að hafa áhrif á meðaltekjur á Austurlandi. Starfsfólk og fjölskyldur þeirra fá beinar tekjur frá fyrirtækjunum. En áhrif fyrirtækjanna á tekjur á svæðinu verða einnig óbein þar sem fjölmörg afleidd störf skapast innan svæðisins.