Vísir 1.15 - Fasteignaverð

Framkvæmdirnar á Austurlandi hafa ekki einungis skapað atvinnutækifæri og hækkað tekjur heldur hefur eftirspurn eftir fasteignum, vörum og þjónustu einnig aukist og þetta leiðir til breytinga á verðlagi. Húsnæði er stór þáttur í útgjöldum flestra heimila og þróun húsnæðisverðs gefur góða vísbendingu um kostnað sem fylgir því að búa á ákveðnum svæðum. Fólksflutningar frá Austurlandi um og eftir aldamótin leiddu til stöðnunar á fasteignamarkaði. Til lengri tíma litið skiptir máli að þróun fasteignaverðs sé í samræmi við tekjuþróun á svæðinu.

Árangur

Myndin hér að neðan sýnir þróun á fasteignaverði á Austurland samanborið við landið í heild. Einnig má sjá þróun á fasteignaverði á höfuðborgarsvæðinu og landsbyggðinni. Meðal fasteignaverð á Austurlandi hefur verið töluvert lægra en á landinu í heild. Það fellur dálítið á milli 2002 og 2003, en tekur síðan kipp upp á við um leið og framkvæmdir við virkjun og álver eru ákveðnar. Það stígur svo  nokkuð jafnt upp á við þar til það hægir aðeins á milli 2007 og 2008, nær toppi 2008 í um 20 mkr, og tekur að lokum dýfu eins og fasteignamarkaðurinn í landinu. Fasteignaverð á Austurlandi virðist rísa hraðar en landsbyggðin í heildina á milli 2009 og 2010.

Þar sem hrun varð á fasteignamarkaðinum samhliða efnahagskreppu í landinu er áhugavert að skoða fjölda seldra fasteigna samkvæmt kaupsamningum skráðum hjá Fasteignamati ríkisins. Myndin hér að neðan sýnir fjölgun sölusamninga miðað við árið 2001. Áhugavert er að sjá að Austurland er aftur búið að ná sama fjölda sölusamninga og árið 2001 á meðan höfuðborgarsvæðið er ekki komið upp í helming viðskipta sem það hafði árið 2001 og landsbyggðin í heildina komin upp í tæp 60% miðað við fjölda seldra eigna 2001.

Heimildir: Hagstofa Íslands 2011.
Uppfært 05.03.2012

Vöktunaráætlun og markmið

Hvað er mælt?

a. Meðal fasteignaverð á Austurlandi og á landsvísu borið saman við breytingar á meðaltekjum (áhrif framkvæmda: óbein).

Áætlun um vöktun

a.Upplýsingum verður safnað af heimasíðu Fasteignamats ríkisins.

a. Markmið á ekki við

Forsendur fyrir vali á vísi

Framkvæmdirnar á Austurlandi hafa ekki einungis skapað atvinnutækifæri og hækkað tekjur heldur hefur eftirspurn eftir fasteignum, vörum og þjónustu einnig aukist og þetta leiðir til breytinga á verðlagi. Húsnæði er stór þáttur í útgjöldum flestra heimila og þróun húsnæðisverðs gefur góða vísbendingu um kostnað sem fylgir því að búa á ákveðnum svæðum. Fólksflutningar frá Austurlandi um og eftir aldamótin leiddu til stöðnunar á fasteignamarkaði. Til lengri tíma litið skiptir máli að þróun fasteignaverðs sé í samræmi við tekjuþróun á svæðinu.

Ítarefni

Sjá upplýsingar um veltu og fjölda samninga hjá Hagstofu Íslands með því að smella hér. Athugið að stuðst hefur verið við eftirfarandi upplýsingar:

Fjöldi kaupsamninga og velta eftir sveitarfélögum og árum frá árinu 2001 til og með 2010. Tafla 2.2.