Vísir 1.4 - Menntun og þjálfun starfsfólks Fjarðaáls og Landsvirkjunar

Aukin menntun og þjálfun starfsfólks skapar möguleika fyrir meiri framleiðni sem hefur jákvæð áhrif á efnahagsþróun svæðisins. Fjarðaál og Landsvirkjun geta fjárfest í starfsfólki sínu með því að bjóða upp á víðtæka þjálfun. Menntaðir og vel þjálfaðir starfsmenn geta aflað almennt hærri launa en ella sem þýðir bætta efnahagslega afkomu fjölskyldna.

Árangur 

a. Hlutfall vinnutíma sem starfsfólk Fjarðaáls og Landsvirkjunar notar í þjálfun vegna vinnu

Á árinu 2008 var 214 klukkustundum af vinnutíma starfsmanna Fljótsdalsstöðvar varið í þjálfun og námskeið vegna vinnu. Á árinu 2009 var 777 klukkustundum varið í  þjálfun og námskeið og á árinu 2010 var 1106 klukkustundum varið í þjálfun og námskeið hjá starfsmönnum Fljótsdalsstöðvar.

Á árinu 2007 var samtals 37.473 vinnustundum varið í bóklega og verklega kennslu hjá starfsmönnum Alcoa Fjarðaáls, 23.716 vinnustundum á árinu 2008, 31.533 vinnustundum á árinu 2009 og á árinu 2010 var 47.668 vinnustundum varið til námskeiða og þjálfunar starfsmanna Fjarðaáls. Í töflunni hér að neðan má sjá hlutfall vinnutíma sem starfsfólk Fjarðaáls og Landsvirkjunar ver til námskeiða og þjálfunar á árunum 2007-2010.

uppfært 13.03.12

b. Menntun starfsfólks Fjarðaáls og Landsvirkjunar í samanburði við starfandi á íslandi

Heimildir: Hagstofa Íslands 2007, Landsvirkjun 2010 og Alcoa Fjarðaál 2011.

Vöktunaráætlun og markmið

Hvað er mælt

1. Hlutfall vinnutíma sem starfsfólk Fjarðaáls og Landsvirkjunar notar í þjálfun vegna vinnu (áhrif framkvæmda: bein)
2. Menntun starfsfólks hjá Alcoa Fjarðaáli og Landsvirkjun (eftir kynjum) í samanburði við menntun utan höfuðborgarsvæðis og menntun á landsvísu. Könnun gerð á fimm ára fresti. (áhrif framkvæmda: óbein):
3.  

• Hlutfall með háskólagráðu (ISCED 5,6)
• Hlutfall með starfs- og framhaldsmenntun (ISCED 3,4)
• Hlutfall með grunnmenntun (ISCED 1,2)
•  

Áætlun um vöktun

a. Landsvirkjun: Fyrirtækið hefur skráningarkerfi fyrir tíma sem fer í námskeið, en verkleg þjálfun er ekki skráð. Þeim upplýsingum mun stöðvarstjóri virkjunar að safna.

Fjarðaál: Upplýsingar frá gagnabanka mannauðsteymis.

Gögnum verður safnað árlega.

b. Mannauðsteymi Fjarðaáls og starfsmannasvið Landsvirkjunar safna upplýsingum á fimm ára fresti um menntunarstig starfsfólks. Hagstofa Íslands birtir upplýsingar um menntunarstig á landsvísu á fimm ára fresti.

Markmið

a. Landsvirkjun: Markmið á ekki við. Landsvirkjun mun vakta og miðla upplýsingum.

Fjarðaál: Markmið á ekki við. Fjarðaál mun vakta og miðla upplýsingum.

b. Menntunarstig starfsmanna jafnt eða hærra en á landsvísu

 
Forsendur fyrir vali á vísi

Aukin menntun og þjálfun starfsfólks skapar möguleika fyrir meiri framleiðni sem hefur jákvæð áhrif á efnahagsþróun svæðisins. Fjarðaál og Landsvirkjun geta fjárfest í starfsfólki sínu með því að bjóða upp á víðtæka þjálfun. Menntaðir og vel þjálfaðir starfsmenn geta aflað almennt hærri launa en ella sem þýðir bætta efnahagslega afkomu fjölskyldna.