Vísir 2.11 - Hljóðmengun við Fjarðaál og í Reyðarfirði

Á meðan engar breytingar eru á starfsemi álvers, eru ekki framkvæmdar hljóðmælingar. Nú hafa  staðið yfir framkvæmdir vegna kersmiðju á álverslóð. Hljóðmælingar voru framkvæmdar á vormánuðum 2012 þegar kersmiðjan var komin í fullan rekstur.

Árangur

Á myndunum hér fyrir neðan má sjá niðurstöður frá 7 mælistöðvum í ágúst 2008 og á vormánuðum 2012. Þar er mældur meðal hljóðstyrkur á völdum mælistöðvum í nágrenni álversins og í Reyðarfirði. Markmið um hljóðstyrk standast, en hann fer ekki yfir þau mörk sem sett voru fyrir þennan vísi.

Heimild: Alcoa Fjarðaál, 2012

Smellið hér til að sjá töflu með niðurstöðu mælinga 2008 og 2012

Til að fylgjast með því hvort hávaði frá álverinu sé innan viðmiðunarmarka var hljóðstig í nánasta umhverfi álversins mælt 2008 og 2012. Helstu hávaðauppsprettur eru löndunarbúnaður og þurrhreinsistöðvar og eru mælingar framkvæmdar á meðan löndun er í gangi. Var hljóðstig mælt á 7 stöðum á Reyðarfirði, 4 stöðum við lóðamörk álversins, í landi Hólma, í þéttbýlinu á Reyðarfirði og sunnan fjarðarins til móts við álverið. Viðmiðunarmörk við lóðamörk eru 70 dB(A) og voru allar mælingar innan þeirra marka.

Smellið hér til að sjá stærri mynd af mælistöðum á korti.

Vöktunaráætlun og markmið

Hvað er mælt ?

1. Meðal hljóðstyrkur dB(A) á völdum mælistöðvum við Fjarðaál (áhrif framkvæmda: bein).
2. Meðal hljóðstyrkur dB(A) á völdum mælistöðvum í Reyðarfirði (áhrif framkvæmda: óbein).
   

Áætlun um vöktun

1. Hljóðmælir mun safna gögnum með reglulegu millibili. Gögnum verður safnað einu sinni í mánuði vegna grunnástands og síðan í hvert sinn sem hljóðstyrkur breytist.
2. Hljóðmælir mun safna gögnum með reglulegu millibili. Gögnum verður safnað einu sinni í mánuði vegna grunnástands og síðan í hvert sinn sem hljóðstyrkur breytist.
   

Myndin að neðan sýnir staðsetningu hljóðmæla.

 Heimild: Alcoa Fjarðaál 2009

Markmið

1. Hljóðstyrkur að degi/kveldi/nóttu (db(A))
   • Álver: 70/70/70
   • Léttur iðnaður/íbúðarhús: 55/50/40
   • Eingöngu íbúðarhús: 50/45/40
   • Sumarhús: 40/35/35
2. Byggingartími: Minna eða jafnt og 65 db (A)
   • Rekstrartími: Minna eða jafnt og 55 db (A)

Mögulegar viðbragðsáætlanir

Alcoa hefur bein áhrif með starfsemi sinni. Viðbragðsáætlanir miða að því að halda hljóðstyrk í samræmi við sett markmið.

Forsendur fyrir vali

Hávaði í næsta nágrenni við byggð getur haft áhrif á lífsgæði íbúa. Stöðugur hávaði dregur úr aðdráttarafli svæðis til búsetu og getur haft neikvæð áhrif á búsetu til lengri tíma. Tryggja þarf að hávaði frá Fjarðaáli hafi ekki neikvæð áhrif á íbúa svæðisins. Einhver hávaði mun stafa af flutningi hráefnis og búnaðar til og frá álverinu, annarri umferð og frá rekstri álversins.

Ítarefni

Skýrsla um hljóðmengun 2004 (pdf)

Skýrsla um hljóðmengun 2005 (pdf)

Skýrsla um hljóðmengun 2006 (pdf)