Um Norðurlandsverkefnið
Samhliða undirbúningi tengdum fyrirhugaðri orkuvinnslu og álframleiðslu á Norðurlandi hafa stærstu framkvæmdaaðilar þess verkefnis sett á laggirnar samstarfsverkefni til að meta áhrif fyrirhugaðra framkvæmda á samfélag, efnahag og umhverfi. Markmið verkefnisins er fyrst og fremst að styðja við sjálfbæra þróun á svæðinu. Þekkingarsetur Þingeyinga hefur fengið það hlutverk að hýsa og reka verkefnið sem óháður aðili.
Meira...Sjálfbærnimælingar
Samfélagsvísar
Samfélagsvísar fjalla um þær stoðir sem mynda samfélagið sem við búum í. Sem dæmi um stoðir má nefna fjölda og samsetningu íbúa, vinnumarkaðinn, skóla, samgöngur, öryggi íbúa, ýmsa opinbera þjónustu og menningarviðburði.
Umhverfisvísar
Umhverfisvísar fjalla um náttúruna sem við búum í, umhverfið, loftið, gróður og landslag. Sem nánara dæmi um málefni umhverfisvísa má nefna loftgæði, líffræðilegan fjölbreytileika, náttúruminjar, ásýnd og eyðingu gróðurs.
Efnahagsvísar
Til þess að samfélag sé efnahagslega heilbrigt er mikilvægt að grunnurinn sé sterkur og ekki fari meiri verðmæti út úr samfélaginu en koma inn í það, eða öfugt. Efnahagsvísar fjalla um þær stoðir sem þurfa að vera í lagi til þess að fyrirtæki þrífist, skapi störf og geri fólki kleift að kaupa lífsins nauðsynjar. Erfitt er að halda úti grunnþjónustu ef ekki er til fjármagn til að greiða kostnað sem henni fylgir.
Gagn og gaman
Ekkert gullgrafaraæði !
„Ekkert gullgrafaraæði!“ Í þessum orðum má að hluta til fanga merkingu sjálfbærrar þróunar, en hún snýst um að hafa jafnvægi á samfélagi, umhverfi og efnahag. Ef menn einblína bara á að græða, er hætt við að eitthvað annað verði undan að láta. Jafnvægi á öllum sviðum er lykilatriði.
Meira..