1.19 Viðhorf samfélags til starfsemi Fjarðaáls og Landsvirkjunar

Vísir 1.19 - Viðhorf samfélags til starfsemi Fjarðaáls og Landsvirkjunar

Bæði Fjarðaál og Landsvirkjun leggja mikla áherslu á jákvæð samskipti við íbúa á Austurlandi. Hér eru birtar niðurstöður úr könnunum á viðhorfi íbúa á Austurlandi til fyrirtækjanna tveggja.

Niðurstöður

Eftirfarandi myndir sýna viðhorf íbúa á Austurlandi til Fjarðaáls og Landsvirkjunar á árunum 2004 - 2017.

Árið 2017 reyndust 79,5 % svarenda jákvæðir í garð Alcoa Fjarðaáls og er það í tólfta skipti síðan mælingar hófust, sem markmið nást um að 75% íbúa eða meira séu jákvæðir í garð fyrirtækisins. Landsvirkjun hefur framkvæmt mælingar frá 2005 en markmiðið um jákvætt viðhorf 75% íbúa hefur ekki alltaf náðst, árið 2017 sögðust 71,7 % svarenda vera jákvæðir gagnvart Landsvirkjun.

Mynd 1: Viðhorf íbúa á Austurlandi til Landsvirkjunar nóvember og desember 2017 og þróun síðan 2005. Spurt var: Ert þú jákvæð(ur) eða neikvæð(ur) gagnvart Landsvirkjun?

Hægt er að skoða skýrslur Capacent Gallup um viðhorfskannanir undir ítarefni.

Hversu jákvæð(ur) eða neikvæð(ur) ert þú gagnvart Alcoa Fjarðaáli?

Mynd 2: Viðhorf íbúa á Austurlandi til Alcoa Fjarðaáls 2017 og þróun frá 2004.

Hægt er að skoða skýrslur Capacent Gallup um viðhorfskannanirnar undir ítarefni.

Tafla 1: Samanlagt hlutfall þeirra sem svöruðu að viðhorf þeirra til fyrirtækjanna væri mjög jákvætt eða frekar jákvætt.

Ár \ Fyrirtæki	Alcoa Fjarðaál	Landsvirkjun
2004	77,7%	-
2005	78,5%	76,5%
2006	84,0%	-
2007	76,2%	77,0%
2008	82,0%	72,9%
2009	78,4%	76,4%
2010	81,2%	74,5%
2011	83,0%	71,4%
2012	80,2%	68,6%
2013	80,8%	72,4%
2014	79,0%	67,3%
2015	74,1%	66,4%
2016	72,8%	66.6%
2017	79,5%	71,7%

Ekki voru gerðar viðhorfskannanir vegna Landsvirkjunar árin 2004 og 2006.

Hversu ánægð(ur) eða óánægð(ur) ertu með samskipti Alcoa Fjarðaáls við íbúa á Mið-Austurlandi?

Mynd 3. Ánægja/óánægja íbúa á Austurlandi með samskipti við Alcoa Fjarðaál 2017.

Skýrslur Capacent um viðhorf íbúa Mið-Austurlands eru birtar undir ítarefni. Þar má sjá viðhorf Austfirðinga til fleiri atriða en hér eru sýnd t.d. traust til Alcoa Fjarðaáls, áhrif álversins á búsetuskilyrði á Austurlandi, þjónustu á Austurlandi o.fl.

Uppfært 27. mars 2018 og 18. maí 2018
Heimild: Kannanir Capacent Gallup, 2004 - 2017

Vöktunaráætlun og markmið

Hvað er mælt ?

Regluleg könnun á samfélagslegum viðhorfum – hlutfall svarenda sem telja árangur Fjarðaáls og Landsvirkjunar varðandi framkvæmdir og samskipti við íbúa góðan eða mjög góðan. (Áhrif framkvæmda: bein).

Áætlun um vöktun

Könnun verður gerð árlega á vegum Gallup fyrir bæði fyrirtækin

Markmið

75% Austfirðinga sé jákvæðir gagnvart Fjarðaáli og Landsvirkjun.

Mögulegar viðbragðsaðgerðir

Fyrirtækin geta stuðlað að jákvæðri ímynd með góðum starfsháttum.

Breytingar á vísi

Í fjórða áfanga sjálfbærniverkefnisins var ákveðið að breyta númerum sjálfbærnivísanna. Þessi vísir var upphaflega númer 33.1 og er fjallað um hann undir því númeri í áfangaskýrslum verkefnisins 2004 og 2005.

Forsendur fyrir vali á vísi

Bæði Fjarðaál og Landsvirkjun leggja mikla áherslu á jákvæð samskipti við íbúa á Austurlandi. Með því að axla bæði umhverfislega og samfélagslega ábyrgð geta fyrirtækin ræktað góð tengsl við Austfirðinga og þannig vonandi viðhaldið stuðningi samfélagsins við starfsemi fyrirtækjanna á svæðinu.