„Vöktun á aldrei að vera upp á punt.“

18.5.2011

Þetta eru orð Grétars Þórs Eyþórssonar prófessors við Háskólann á Akureyri og komu fram í erindi hans um gildi Sjálfbærniverkefnisins á Austurlandi þegar fyrsti ársfundur þess fór fram á dögunum.

Grétar sagði einnig að langtímaáhrif af framkvæmdum og uppbygginu á Austurlandi skiptu mestu máli og því væri mjög mikilvægt að Sjálfbærniverkefni Alcoa og Landsvirkjunar á Austurlandi væri í gangi. Grétar lagði jafnframt áherslu á nauðsyn þess að ríkisvaldið og sveitar­stjórnarmenn á Austurlandi gæfu Sjálfbærniverkefninu gaum í framtíðinni og ígrunduð þær niðurstöður sem þar kæmu fram, þar sem verkefnið veitti aðgang að upplýsingum sem enginn annar aðili kostaði söfnun, úrvinnslu og greiningu á. 

Hægt er að lesa allt erindi Grétars með því að smella hér. Einnig er hægt að sjá frekari upplýsingar um fundinn með því að smella hér.

Til baka