Sjálfbærniverkefni á Austur- og Nurðurlandi

Varpfuglar á úthéraði

Erfitt getur reynst að greina áhrif framkvæmda á fuglalíf á Úthéraði þar sem margir aðrir þættir geta haft jafnmikil eða meiri áhrif. Athuganir hafa sýnt að áhrif vatnsborðsbreytinga á gróður verða líklega óveruleg. Því beinir þessir vísir einkum sjónum að þeim fuglategundum sem ætla má að séu háðar æti úr Lagafljóti eða gætu orðið fyrir áhrifum vegna breytinga á farvegum Jökulsár á Dal. T.d. var talið hugsanlegt að bætt aðgengi að aurum Jökulsár á Dal gæti leitt til fækkunar á grágæsum sem nota fellistöðvar á aurunum og eins að bætt aðgengi afræningja gæti haft neikvæð áhrif á varp skúms á svæðinu.

Í sjálfbærniverkefninu á Austurlandi má fylgjast með þróun valdra fuglategunda á áhrifasvæði Kárahnjúkavirkjunar í vísi 2.22. Smellið hér til að skoða vísi.

Til þess að samfélag sé sjálfbært er mikilvægt að grunnurinn sé sterkur og athafnasemi mannsins á ýmsum sviðum veiki ekki eða brjóti þær stoðir sem samfélagið byggir á. Samfélagsvísar fjalla um þær stoðir sem mynda samfélagið sem við búum í. Sem dæmi um stoðir má nefna fjölda og samsetningu  íbúa,  vinnumarkaðinn, skóla, samgöngur, öryggi íbúa, ýmsa opinbera þjónustu og menningarviðburði. Smellið hér til að skoða sjálfbærnimælingar á sviði samfélagsmála í Austurlandsverkefninu.

Til þess að umhverfi okkar sé sjálfbært er mikilvægt að grunnurinn sé sterkur og athafnasemi mannsins á ýmsum sviðum skerði ekki náttúrugæði á þann hátt að afkomendur okkar eigi erfitt með að komast af í framtíðinni. Umhverfisvísar fjalla um náttúruna sem við búum í, umhverfið, loftið, gróður og landslag. Sem nánara dæmi um málefni umhverfisvísa má nefna loftgæði, líffræðilegan fjölbreytileika, náttúruminjar, ásýnd og eyðingu gróðurs. Smellið hér til að skoða sjálfbærnimælingar á sviði umhverfismála í Austurlandsverkefninu.

Til þess að samfélag sé efnahagslega heilbrigt er mikilvægt að grunnurinn sé sterkur og ekki fari meiri verðmæti út úr samfélaginu en koma inn í það, eða öfugt.  Efnahagsvísar fjalla um þær stoðir sem þurfa að vera í lagi til þess að fyrirtæki þrífist, skapi störf og geri fólki kleift að kaupa lífsins nauðsynjar. Erfitt er að halda úti grunnþjónustu ef ekki er til fjármagn til að greiða kostnað sem henni fylgir. Smellið hér til að skoða sjálfbærnimælingar á sviði efnahagsmála í Austurlandsverkefninu.