Fara í efni
3.4 Atvinnulíf

3.4.1 Störf í lykilatvinnugreinum

Tengist eftirfarandi heimsmarkmiðum Sameinuðu þjóðanna

8. Góð atvinna og hagvöxtur

Tengist eftirfarandi undirmarkmiðum

8.5

 Eigi síðar en árið 2030 verði full vinna og mannsæmandi störf í boði fyrir allar konur og karla, þar á meðal ungt fólk og fatlað fólk, og sömu laun greidd fyrir jafnverðmæt störf.

9. Nýsköpun og uppbygging

Tengist eftirfarandi undirmarkmiðum

9.2

Stuðlað verði að sjálfbærri iðnþróun fyrir alla og eigi síðar en árið 2030 hafi hlutur iðnaðar í atvinnulífi og vergri landsframleiðslu aukist verulega í ljósi aðstæðna heima fyrir og tvöfaldast í þeim þróunarlöndum sem skemmst eru á veg komin.

Framvinda

 
Sjálfbærni.is

Mynd 1.  Hlutfall starfa í lykilatvinnugreinum á Austurlandi eftir kynjum á árinu 2021 samanborið við landið allt.

 
Sjalfbærni.is

Mynd 2. Hlutfall starfa í lykilatvinnugreinum á Austurlandi árið 2021 samanborið við landsbyggðina, höfuðborgarsvæðið og landið allt.

 
Sjálfbærni.is
Mynd 2.   Fjöldi starfa (aðalstarf) eftir atvinnugreinum á Austurlandi 2008 - 2021.
 

Uppfært: 12. ágúst 2022.
Heimild: Hagstofa Íslands 

Vöktunaráætlun og markmið

Hvað er mælt?
  •  Fjöldi og hlutfall starfa í lykilatvinnugreinum á Austurlandi og á landsvísu. (Áhrif framkvæmda: óbein).
Áætlun um vöktun
  • Upplýsingar fáanlegar á heimasíðu Hagstofunnar. Hachman vísitalan verður notuð til að reikna út fjölbreytni á Austurlandi í samanburði við efnahagslega fjölbreytni á landsvísu. Upplýsingum verður safnað árlega.
Markmið
  • Rekstrartími: Viðhalda fjölbreytileika í atvinnulífi.
Mögulegar viðbragðsaðgerðir

Á ekki við. Einungis er um vöktun að ræða.

Breytingar á vísi

Þessi vísir var upphaflega hluti af vísi númer 12.1 . Þá hét hann Vinnumarkaðurinn og má finna umfjöllun um hann undir því númeri í áfangaskýrslum verkefnisins frá 2005 og 2006.

Tvisvar hefur númeri vísis verið breytt.

Tafla 1. Breytingar á númeri og nafni vísi.
Ár Nr. Nafn vísis
2020 3.4.1 Störf í lykilatvinnugreinum
2007 1.12b Vinnumarkaðurinn

Grunnástand

Tafla 2. Vinnuafl eftir atvinnugreinum á Íslandi og Austurlandi árið 2003 (grunnástand)
Atvinnugrein Austurland  (% af heild) Landsbyggð (% af heild) Höfuðborgarsvæði (% af heild) Ísland (% af heild)
Landbúnaður 6,2% 8,9% 0,6% 2,7%
Fiskveiðar 8,0% 7,0% 1,1% 3,5%
Fiskiðnaður 16,7% 8,6% 0,5% 4,1%
Annar iðnaður 7,8% 9,8% 10,7% 10,9%
Veitustarfsemi 0,9% 1,4% 0,8% 1,0%
Mannvirkjagerð 6,3% 8,2% 6,1% 6,8%
Verslun og viðgerðarþjónusta 8,9% 9,8% 15,0% 13,6%
Hótel og veitingahúsarekstur 3,0% 2,5% 4,2% 3,6%
Samgöngur og flutningar 5,4% 4,7% 7,0% 6,8%
Fjármálaþjónusta 2,0% 2,8% 4,6% 3,8%
Fasteigna- og viðskiptaþjónusta 3,6% 4,6% 11,7% 7,7%
Opinber stjórnsýsla 8,7% 4,2% 5,7% 6,9%
Fræðslustarfsemi 5,4% 7,4% 8,0% 7,0%
Heilbrigðis- og félagsþjónusta 11,2% 14,7% 16,4% 14,8%
Önnur starfsemi ótilgreint 5,7% 5,3% 7,5% 6,9%

Heimild:  Hagstofa Íslands.

Forsendur fyrir vali á vísi

Mikilvægt er að viðhalda og auka fjölbreytni atvinnulífsins á áhrifasvæðum álvers og virkjunar.  Fjölbreytt atvinnulíf, sem þarf ekki að treysta of mikið á eina atvinnugrein, er stöðugra til lengri tíma litið en einhæft atvinnulíf. Fylgst verður með atvinnu sem tengist framkvæmdum með beinum hætti en einnig í öðrum greinum sem verða fyrir áhrifum af byggingu virkjunar og álvers. Hlutfall vinnuafls Fjarðaáls og Landsvirkjunar á Austurlandi verður mælt til að meta að hve miklu leyti atvinnulífið byggir á störfum hjá þessum fyrirtækjum.

Úr áfangaskýrslu um vísa og grunnástand frá apríl 2005