LV-2007/036 Kárahnjúkavirkjun - Rannsóknir á gróðri í Kringilsárrana

Markmið athuganna eru tvenns konar.  Meginmarkmið verkefnisins er að leggja grunn að vöktunarrannsóknum sem miða að Því að fylgjast með hugsanlegum breytingum á gróðri í Kringilsárrana á næstu árum, einkum með hliðsjón af tilkomu Hálslóns.  Reiknað er með að tengja saman vöktun með gervitunglamyndun og vöktun á föstum reitum á svæðinu.

Annað markmið var að kanna hvort líklegt væri að miklar breytingar á gróðri væru að eiga sér stað í Kringilsárrana.  Orðrómur hafði verið um að gróður í Kringilsárrana hafi rýrnað á allra síðustu árum.  Ekki eru til nákvæmar mælingar á ástandi gróðurs á svæðinu á árum áður þannig að mat á ástandi gróðurs byggist fyrst og fremst á ástandinu eins og það var sumarið 2006, en einnig er það borið saman við nýleg gögn sem eru gróðurkort frá 2000.