Skip to content

LV-2010/043 - Kárahnjúkavirkjun.

More info
Title LV-2010/043 - Kárahnjúkavirkjun.
Subtitle Fallryksmælingar við Hálslón, á Brúaröræfum og í byggð á Fljótsdalshéraði sumarið 2009
Description

Mælingar á fallryki hafa staðið yfir á svæðinu í kringum Hálslón, á Brúaröræfum og í byggð á Fljótsdalshéraði á hverju sumri frá árinu 2005. Tilgangurinn er að meta áhrif Hálslóns á rykmistur sem berst frá hálendinu norðan Vatnajökuls til norðausturs yfir Jökuldal og Fljótsdalshérað. Fallryksmælar voru gerðir virkir um mánaðarmót maí/júní í byggð og mánaðarmót júní/júlí á hálendinu. Mælt var á öllum stöðum til loka september. Fallryk mældist í flestum tilvikum lítið en í september fór ryk yfir viðmiðunarmörk fyrir loftgæði í fallryksmæli í Arnardal. Upptök ryksins voru á eyrum Jökulsár á Fjöllum í suðvestan og vestan hvassvirði sem gekk yfir landið um miðjan september. Mest hætta á rykmengun frá bökkum Hálslóns er frá því að snjóa leysir á vorin og jarðvegur fer að þorna og þar til lónið fer að fyllast af vatni. Mikilvægt er því að koma fallryksmælum upp sem fyrst á vorin. Þessi skýrsla fjallar um fallryskmælingar sumarið 2009 og er fimmta skýrslan sem kemur út vegna fallryksmælinga.

File
Download file
Authors
Name Gerður Guðmundsdóttir
Name Náttúrustofa Austurlands
Taxonomy
Category Loftgæði
Year 2010
Publisher Landsvirkjun
Keywords Fallryk, mistur, Brúaröræfi, Fljótsdalshérað, Hálslón, Kárahnjúkavirkjun.