Fara í efni

Framvinda

Maskína stóð fyrir þjónustukönnun sem hófst árið 2019 fyrir Sjúkratryggingar Íslands varðandi þjónustu á heilsugæslustöðvum á landsbyggðinni og á höfuðborgarsvæðinu.  Í töflunni hér að neðan eru niðurstöður úr þremur spurningum í könnuninni. Þessar niðurstöður eru fengnar með því að leggja saman svör frá öllum heilsugæslustöðum á Austurlandi og þær bornar saman annarsvegar við landsbyggðina og hinsvegar heilsugæslustöðvar á höfuðborgarsvæðinu.

 
Highcharts.com
Mynd 3. Þjónustukönnun maskínu 2019 - 2022 : Hversu mikið eða lítið traust berð þú almennt til heilsugæslunar?

 

 
Highcharts.com
Mynd 4. Þjónustukönnun maskínu 2019 - 2022 : Almennt séð hversu ánægð/ur eða óánægður ertu með þjónustu heilsugæslunnar?
 
Highcharts.com

Mynd 5. Þjónustukönnun maskínu 2019 - 2022: Var leyst vel eða illa úr erindi þínu síðast þegar þú komst á heilsugæsluna?

Heimild: Mælaborð Maskínu (maskina.is) og Mælaborð Maskínu (maskina.is)
Uppfært : 6. september 2023

Vöktunaráætlun og markmið

Hvað er mælt?

Ánægja íbúa með heilbrigðisþjónustu á Austurlandi. (Áhrif framkvæmda: afleidd)

Áætlun um vöktun

Landlæknisembættið stendur árlega fyrir könnunum í öllum heilsugæslustöðvum og sjúkrahúsum landsins. Niðurstöður úr síðustu spurningunni (16 e) verða notaðar: „Í heildina, hversu ánægð(ur)/óánægð(ur) ertu með þjónustu í þessari heilsugæslustöð?“ Upplýsingum verður safnað árlega.

Markmið

Niðurstöður stöðugar eða batni.

Mögulegar viðbragðsaðgerðir

Á ekki við. Einungis er um vöktun að ræða.

Breytingar á vísi

Breytingar í þriðja áfanga:

Nafn vísisins var upphaflega ,,Heilbrigðisþjónusta í nálægum byggðum“ en í þriðja áfanga var nafninu breytt í ,,Opinber þjónusta í nálægum byggðum". Tilgangur breytingarinnar var að aðlaga nafnið svo það ætti við um báða mælikvarðana í vísinum, en upphaflega var um að ræða einn mælikvarða: Ánægja íbúa til heilbrigðisþjónustu á Austurlandi. Í þessum áfanga bættist við nýr mælikvarði: Ánægja íbúa með opinbera þjónustu í sveitarfélögum. Var mælikvarðanum bætt við vegna skýrrar óskar frá þátttakendum á upplýsingafundi um að bæta við mælikvarða af þessum toga.

Í uppfærslu á vef 2020 var vísinum skipt aftur upp í tvo vísa: 1.6.1 Heilbrigðisþjónusta og 1.6.2 Opinber þjónusta.


Þessi vísir var upphaflega númer 7.1 . Þá hét hann Heilbrigðisþjónusta og má finna umfjöllun um hann undir því númeri í áfangaskýrslum verkefnisins frá 2005 og 2006.

Tvisvar hefur númeri vísis verið breytt.

Tafla 1. Breytingar á númeri og nafni vísis.
Ár Nr. Nafn vísis
2020 1.6.1 Heilbrigðisþjónusta
2007 1.16 Opinber þjónusta í nálægum byggðum

Grunnástand

Landlæknisembættið stóð áður fyrir þjónustukönnunum í heilsugæslustöðvum á landinu á tveggja til þriggja ára fresti. Í töflunum hér að neðan eru niðurstöður úr tveimur spurningum í könnuninni. Þessar niðurstöður eru fengnar með því að leggja saman svör frá öllum heilsugæslustöðum á Austurlandi en ekki fengust upplýsingar um niðurstöður fyrir einstakar stöðvar.

Tafla 2. Könnun um heilsugæsluþjónustu á Austurlandi 2003
  Fékkstu úrlausn erindisins? Ertu sáttur við úrlausnina?
77,7% 83,5%
Að hluta 20,8% 13,5%
Nei 1,5% 3,1%
Tafla 3. Könnun um heilsugæsluþjónustu á Austurlandi 2005
  Fékkstu úrlausn erindisins? Ertu sáttur við úrlausnina?
80,3% 80,6%
Að hluta 16,8% 17,5%
Nei 2,9% 1,9%

Forsendur fyrir vali á vísi

Núverandi forsendur fyrir vali á vísi

Tilkoma Fjarðaáls og Fljótsdalsstöðvar getur leitt til breytinga á eftirspurn eftir opinberri þjónustu á svæðinu. Aukinn fjöldi fólks í nálægum byggðum á byggingar- og rekstartíma virkjunar og álvers mun leiða til þess að meiri eftirspurn verður t.d. eftir heilsugæslu og þjónustu grunnskóla og leikskóla. Fjölgun fólks verður annars vegar vegna þeirra starfsmanna sem vinna fyrir Fjarðaál, Landsvirkjun og verktaka þeirra, og hins vegar vegna þeirra sem flytja á svæðið vegna óbeinna starfa sem skapast í þjónustu og verslun í tengslum við fyrirtækin. Aðgengi að heilsugæslu og gæði þjónustu eru dæmi um opinbera þjónustu sem ætti að þróast í samræmi við fjölgun fólks á svæðinu.


Upprunalegar forsendur fyrir vali á vísi

Framkvæmdirnar á Austurlandi geta leitt til breytinga á eftirspurn eftir opinberri þjónustu á svæðinu. Aukinn fjöldi fólks í nálægum byggðum á byggingar- og rekstartíma virkjunar og álvers mun leiða til þess að meiri eftirspurn verður t.d. eftir heilsugæslu og þjónustu grunnskóla og leikskóla. Fjölgun fólks verður annars vegar vegna þeirra starfsmanna sem vinna fyrir Fjarðaál, Landsvirkjun og verktaka þeirra, og hins vegar vegna þeirra sem flytja á svæðið vegna óbeinna starfa sem skapast í þjónustu og
verslun í tengslum við framkvæmdirnar. Aðgengi að heilsugæslu og gæði þjónustu er dæmi um opinbera þjónustu sem ætti að þróast í samræmi við fjölgun fólks á svæðinu.

Úr áfangaskýrslu um vísa og grunnástand frá apríl 2005