Framvinda
Uppfært: 25. júlí 2023
Heimild: Alcoa Fjarðaál (2023), Landsvirkjun (2022) og Hagstofa Íslands (2022).
Vöktunaráætlun og markmið
Hvað er mælt?
- Meðaltekjur starfsfólks Fjarðaáls og Landsvirkjunar í samanburði við aðrar atvinnugreinar á Austurlandi og Íslandi. (Áhrif framkvæmda: bein).
Áætlun um vöktun
- Starfsmannasvið Landsvirkjunar og fjármálateymi Fjarðaáls safna þessum upplýsingum. Samanburðartölur eru fengnar frá Hagstofu Íslands.
Markmið
- Jafnt eða hærra en meðaltekjur í öðrum atvinnugreinum á Austurlandi.
Mögulegar viðbragðsaðgerðir
Á ekki við. Einungis er um vöktun að ræða.
Breytingar á vísi
Þessi vísir var upphaflega númer 6.1b og var þá hluti af vísi sem hét Tekjur íbúa. Finna má umfjöllun um hann undir því númeri í áfangaskýrslum verkefnisins frá 2005 og 2006.
Tvisvar hefur númeri vísis verið breytt.
| Ár | Nr. | Nafn vísis |
|---|---|---|
| 2020 | 4.3.3 | Tekjur starfsfólks |
| 2007 | 1.14b | Tekjur íbúa |
Grunnástand
| Ísland | Alcoa Fjarðaál | Fljótsdalsstöð |
|---|---|---|
| 5,1 | 5,9 | 7,3 |
Forsendur fyrir vali á vísi
Meðaltekjur eru gagnlegur vísir til að bera saman fjárhagslega velferð á mismunandi svæðum. Tilkoma Kárahnjúkavirkjunar og Fjarðaáls er líkleg til að hafa áhrif á meðaltekjur á Austurlandi. Starfsfólk og fjölskyldur þeirra munu fá beinar tekjur frá þeim fyrirtækjum sem standa að framkvæmdum. En áhrif framkvæmdanna á tekjur á svæðinu verða einnig óbein þar sem fjölmörg störf munu skapast innan fyrirtækja sem munu þjónusta þann aukna fjölda íbúa á svæðinu sem von er á í tengslum við framkvæmdir.